Ərdoğan: Türkiyə Suriyada yeni dövlətin yaranmasına imkan verməyəcək
Türkiyə Suriyanın şimalında yeni kürd dövlətinin yaranmasına icazə verməyəcək.
Virtualaz.org Türkiyə KİV-ə istinadən bildirir ki, bunu prezident Rəcəb Tayyib Ərdoğan yerli icra başçılarının 39-cu toplantısında deyib.
R.T.Ərdoğan qeyd edib ki, YPG və PYD üçün hər hansı dövlətin qurulması yolverilməzdir: "Bəziləri “kürd dövləti” deyib durur. YPG və PYD terror təşkilatlarıdır. Suriyada başqa bir dövlətin qurulmasına əsla icazə verməyəcəyik. Bu vətəni bölməyə çalışanlara hər tərəfi məzar edərik".
Suriyanın şimalında 2 min kvadratkilometr Türkiyənin nəzarəti altında olduğunu xatırladan Ərdoğan bəyan edib ki, o və ölkəsi terrorçuların planına mane olmaq üçün əllərindən gələni edəcək: “Cerablus, Rai, Əl-Babı terrorçulardan təmizlədik. Oradakı 2 min kvadratkilometrlik sahəyə nəzarət edirik. Onların hədəfi Aralıq dənizinə çıxmaqdır. Cudi, Tendürek, Kandil, Gabarda terrorçulara qarşı apardığımız mübarizəni hər yerdə davam etdirəcəyik”.
