AFFA “Neftçi” ilə matça görə “Qarabağ”ı cəzalandırıb
AFFA-nın İntizam Komitəsinin iclası keçirilib.
APA-nın məlumatına görə, yığıncaqda Premyer Liqanın IV turunda baş verənlər müzakirə olunub.
“Sumqayıt” – “Zirə” matçında hər iki klubun bəzi rəsmilərinin “A” buraxılışından istifadə etməməsinə görə komandalar 800 manat cərimə olunub.
“Sabah” – “Qəbələ” oyununda komandaların 4 futbolçusu sarı vərəqə ilə cəzalandıqları üçün hər iki klub 800 manat cərimələnib.
“Keşlə” – “Səbail” qarşılaşmasında hər iki tərəfin 4 oyunçusu sarı vərəqə ilə cəzalandığı üçün klublar hərəyə 800 manat ödəyəcək.
“Neftçi” ilə matçda “Qarabağ”ın rəsmi şəxslərinin “A” buraxılışından istifadə etməməsinə görə klub 800 manat cərimələnib.
