Vüsal Məmmədov aparıcılıq edəcəyi verilişin yeniliklərindən danışdı
Tanınmış jurnalist, Azvision.az saytının baş redaktoru Vüsal Məmmədov teleaparıcı kimi tamaşaçıların qarşına çıxacaq. Hər bazar ertəsi Lider TV-nin efirində yayımlanan “Panoram” verilişi Vüsal Məmmədovun təqdimatında olacaq.
“Panoram” verilişində hansı yeniliklər olacaq? Verilişdə ateizm və din mövzularına da yer veriləcəkmi?
Məsələ ilə bağlı Modern.az-a danışan Vüsal Məmmədov bildirib ki, verilişdə bəzi dəyişikliklər olacaq.
“Verilişi daha dinamik, müzakirələri daha gərgin və canlı keçirməyi düşünürük. Mövzu dairəsi dəyişməyəcək - verilişin adına uyğun olaraq, beynəlxalq problemləri və onların Azərbaycana təsir imkanlarını müzakirə edəcəyik. Ateizm və din mövzularına yer verilməyəcək”.
Qeyd edək ki, “Panoram” verilişi əvvəllər Vahid Abbasın təqdimatında yayımlanırdı.
