Gündüz Tahirli Azərbaycana gəlib - FOTO
Tanınmış baş redaktor Mirzə Ələkbər Sabirin-155 tədbirinə qatılıb
Tanınmış jurnalist, “Azadlıq” qəzetinin sabiq baş redaktoru Gündüz Tahirli Azərbaycandadır. Musavat.com xəbər verir ki, bu haqda “525-ci qəzet”in baş redaktoru Rəşad Məcid sosial şəbəkədəki statusunda G.Tahirli ilə çəkdirdiyi şəkli paylaşaraq xəbər verib. Hər iki baş redaktor hazırda Şamaxıda keçirilən Mirzə Ələkbər Sabir 155 tədbirində iştirak edirlər.
G.Tahirli musavat.com-a açıqlamasında bildirdi ki, bu gün günorta saatlarında Bakıya gələcək. O, səfərinin şəxsi işləri ilə bağlı olduğunu dedi. Müsahibimiz hazırda Şamaxıda keçirilən Sabir poeziya günlərində iştirak etdiyini vurğuladı. (M.Ə.Sabir G.Tahirlinin babasıdır-musavat.com)Amma G.Tahirli bütün israrlarımıza baxmayaraq, müsahibə üçün razılıq vermədi.
Musavat.com xatırladır ki, G.Tahirli hazırda Amerikanın Vaşinqton şəhərində yaşayır. Əməkdaşımız fevral ayında ABŞ-a səfər edərkən onunla görüşsə də, müsahibə üçün razılığını ala bilməmişdi.
