Velosipedlə avtobusa mindi, narazılıq yaratdı - VİDEO
Velosipedlə "BakuBus”s daxil olmaq istəyən sərnişinin görüntüləri yayılıb.
BakuPost.az-ın məlumatına görə, hadisə bu ayın 20-si saat 22:36 radələrində baş verib. Sərnişinlərdən biri Səməd Vurğun bağı dayanacağından hərəkət edən avtobusa velosipedlə daxil olub və velosipedi fiziki məhdudiyyətli sərnişinlər üçün ayrılmış xüsusi yerdə saxlayıb. Sərnişinə xətt dispetçeri və sürücü tərəfindən dəfələrlə xəbərdarlıq olunmasına baxmayaraq, o, məhəl qoymadan israrla velosipedi avtobusda saxlamağa davam edib və təhlükəsizlik qaydalarını kobud şəkildə pozub. Sərnişinlərlə dolu avtobusun hərəkətininə maneə yaradan sərnişin avtobusun 23 dəqiqəyə yaxın dayanmasına və qrafik üzrə ləngiməsinə səbəb olub.
Lakin hadisə ilə bağlı polis orqanlarına məlumat verdikdən və əraziyə polis əməkdaşları gəldikdən sonra həmin sərnişin velosipedi ilə avtobusu tərk edib.
Qeyd edək ki, sərnişinin qaydalara zidd hərəkəti 21 nömrəli xətt avtobusunun qrafikə uyğun fəaliyyətini pozmaqla yanaşı, sərnişinlərin də böyük narazılığına səbəb olub.
