Azərbaycanlı Sənan Paşayev Ankarada tort festivalının qalibi oldu
Ankarada keçirilən ikinci beynəlxalq “Master of cake” tort yarışması – tort və şokolad festivalının qalibləri müəyyənləşib. Virtualaz.org Türkiyə KİV-nə istinadən xəbər verir ki, ən bacarıqlı tort ustası azərbaycanlı Sənan Paşayev seçilib. Qalib 2 min TL dəyərində mükafat qazanıb.
Azərbaycan, Dubay, Avropa ölkələrinin qatıldığı festivalda 140 ustanın əl işi sərgilənib. Əl işləri o qədər gözəl hazırlanıb ki, münsiflər 15 kateqoriyada yarışa təqdim olunan nümunələr arasından ən yaxşısını seçməkdə çətinlik çəkiblər. Festivalda məşhur tort bəzəyi üzrə təlimçi Nurcan Özkara tərəfindən Türkiyədə ilk dəfə 25 kvadrat metr sahədə nağıl qəhrəmanlarından ibarət “Nağıl köyü” adlı kompozisiya nümayiş olunub. İraqlı usta Mehdi Cabbarpoursattarinin hazırladığı nümaunələr də izləyicilər tərəfindən maraqla qarşılanıb.
