Rusiya bankı Aqanbekyanı məhkəməyə verdi
Rusiyanın ən böyük banklarından biri “FK Otkrıtiye” Moskva Arbitraj Məhkəməsinə müraciət edərək, keçmiş top-menecerlərin əmlakına həbs qoyulmasını xahiş edib.
“RİA Novosti” xəbər verir, şikayət ərizəsində bankın banisi Vadim Belyayevin, keçmiş prezidenti Ruben Aqanbekyanın, idarə heyətinin üzvləri Yelena Budnikin və Gennadi Jujlevin adları qeyd edilib.
Onların əmlakına və bank hesablarına həbs qoyulması tələb edilir. Şikayətçi ümumilikdə 289,5 milyard rubl (7,7 milyard manat) vəsait qaytarmaq niyyətindədir.
Ruben Aqanbekyan məşhur akademik Abel Aqanbekyanın oğludur.
