Lavrov növbəti dəfə üçtərəfli razılaşmaların aktual olaraq qaldığını bildirib
Rusiya, Ermənistan və Azərbaycan arasında üçtərəfli razılaşmalar Cənubi Qafqazda nəqliyyat məsələlərinin həllinə kömək edir.APA-nın Moskva bürosu xəbər verir ki, bunu Rusiya xarici işlər naziri Sergey Lavrov Ermənistan parlamentinin sədri Alen Simonyanla görüşündə bildirib.
O qeyd edib ki, 2020-2022-ci illərdə Rusiya, Azərbaycan və Ermənistan liderləri səviyyəsində əldə edilən bütün razılaşmalar ilk növbədə regionda iqtisadi, nəqliyyat və logistika problemlərini həll etmək üçün aktuallığını qoruyub saxlayır.
“Ermənistan bu qərarlardan əhəmiyyətli fayda əldə etməlidir və bütün regionun vahid bütün kimi normal fəaliyyətinə mane olan bütün maneələr aradan qaldırılmalıdır. Moskva buna hazırdır”, - Rusiya XİN rəhbəri vurğulayıb.
