"Mən Putini nə sevirəm, nə də nifrət edirəm" - Donald Tramp
Respublikaçılar partiyasından ABŞ prezidentliyinə namizəd Donald Tramp deyib ki, Rusiya prezidenti ilə münasibətlərinin necə qurulacağını bilmir.
Avropa.info xəbər verir ki, o, Putini nə sevdiyini, nə də nifrət etdiyini deyib.
“Burada deyirlər ki, Putini sevirəm. Mən Putini nə sevirəm, nə də nifrət edirəm. Gəlin baxaq bundan nə alınır. Ola bilsin Putinlə yaxşı münasibətlərimiz olacaq. Daha qorxulu münasibət də ola bilər. Ola bilsin, ortabab bir şey alınsın. Əgər Rusiya ilə aramızı düzəltsək, İŞİDİ birgə məhv edə bilərik. Hadisələrin belə inkişafına qarşı deyiləm” – Tramp belə deyib.
Qeyd edək ki, Donald Tramp Putinə qarşı dəfələrlə simpatiyasını bildirib. O, Putini Barak Obama ilə müqayisədə “daha böyük lider” adlandırıb. Krımın Rusiyaya birləşdirilməsini imkanına baxa biləcəyini deyən Tramp Vaşinqtonun kəskin reaksiyası ilə qarşılaşmışdı.
