Siyavuş Novruzov: "Büdcəmizin strukturu sosializm dövründəkindən fərqlənməlidir"
“Azərbaycanın dövlət strukturları cənab prezidentin iş mexanizminə uyğunlaşmalıdır”.
APA-nın məlumatına görə, bunu Yeni Azərbaycan Partiyası (YAP) icra katibinin müavini, deputat Siyavuş Novruzov Milli Məclisin komitələrinin birgə iclasında büdcə müzakərləri zamanı bildirib. O qeyd edib ki, dövlət struktukturları prezidentin fəaliyyətini yaxından izləməli, onun iş mexanizmini mənimsəməli və fəaliyyətlərini ona görə qurmalıdırlar.
S. Novruzov deyib ki, büdcənin strukturunda dəyişiklik aparılmalıdır: “Mən 20 ildir Milli Məclisdə büdcə təsdiqində iştirak edirəm, ele eyni şey gəlir. Filan yerdən azaltdıq, flıan yeri artırdıq. Cənab prezident mütəmadi sərəncamlar verir, qərarlar qəbul edir, sürətli islahatlar gedir. Büdcə strukturu da buna uyğunlaşmalıdır. Büdcə strukturunun müasir formasını tapmaılyıq. Büdcəmiz keçmiş sosializm dövründəkindən fərqlənməlidir. Yeni və fərqli büdcə strukturumuz olmalıdır. Keçmiş sosializmdən fərqlənməliyik”.
