Lukaşenko: "Belarusla Azərbaycan arasında əlaqələr çox yüksək səviyyədədir"
"Report"un Belarus prezidentinin mətbuat xidmətinə istinadən verdiyi məlumata görə, təbrikdə iki ölkə arasında əlaqələrin çox yüksək səviyyədə olduğu qeyd edilib.
"Hər iki dövlət çoxtərəfli platformalarda bir-biri ilə faydalı şəkildə əməkdaşlıq edir, əsas beynəlxalq problemlərlə bağlı eyni mövqedən çıxış edirlər. Birgə səylər nəticəsində iqtisadi əməkdaşlığın möhkəm əsası qoyulub, sənaye sahəsində bir sıra layihələr icra olunur", - məktubda vurğulanıb.
Məktubda həmçinin qarşılıqlı etimada söykənən Belarus-Azərbaycan əlaqələrinin gələcəkdə də hər iki ölkənin rifahı naminə dinamik şəkildə inkişaf edəcəyi bildirilib.
