Mariya Zaxarova erməni jurnalisti yerinə otuzdurdu
Rusiyada icra hakimiyyəti var, həm də ayrı-ayrı siyasətçilərin öz nəzər nöqtəsi mövcuddur və bu normaldır.
Trend-in məlumatına görə, bunu Rusiya Xarici İşlər Nazirliyinin rəsmi nümayəndəsi Mariya Zaxarova Bakıda Xocalı soyqırımını ildönümü ilə bağlı yürüşdə Rusiya Dövlət Dumasının deputatlarının iştirakı ilə əlaqədar erməni jurnalistin sualını cavablandırarkən deyib.
M.Zaxarova xatırladıb ki, demokratik cəmiyyətdə xalq qanunverici quruma müxtəlif siyasi görüşlü şəxsləri seçir:
“Bizdə həm də hakimiyyət bölgüsü var. Bizdə icra hakimiyyəti var və mən Rusiyanın rəsmi mövqeyini səsləndirmişəm, həm də ayrı-ayrı siyasətçilərin öz nəzər nöqtəsi var və bu normaldır. Qəribədir ki, siz bunu başa düşmürsünüz”.
