“Müharibə olsa, Azərbaycanı çox ölkə dəstəkləyəcək” - Ermənistan müxalifəti
“Qarabağda müharibə başlasa, Azərbaycanı çox ölkə dəstəkləyəcək”.
Modern.az Ermənistan KİV-nə istinadən xəbər verir ki, bu barədə Respublika partiyasının sədr müavini Armen Aşotyan bildirib.
“Minsk qrupunun həmsədrləri, həmçinin, Yohannes Xan və Frederika Moqerinin simasında bütün Avropa Birliyi nümayəndələri Nikol Paşinyanın təşəbbüslərini dəstəkləmirlər. Bu təşəbbüslər arasında Qarabağın danışıqlara qatılması məsələsi də var. Rəsmi bəyanatlarda ilkin şərtin irəli sürülməməsi deyiləndə məhz bu nəzərdə tutulurdu. Ona görə də hərbi əməliyyatlar bərpa olunsa, dünya birliyinin önəmli hissəsinin Azərbaycanı dəstəkləməsi ehtimalı var”-deyə Aşotyan həyəcanla söyləyib.
