XİN rəsmisi: Rusiya və ABŞ münasibətləri ən pis həddə çatıb
Trend-in məlumatına görə, bunu Rusiya xarici işlər nazirinin müavini Sergey Ryabkov deyib.
O bildirib ki, hazırda Moskva ilə Vaşinqtonun münasibətləri tarixdə qeydə alınan ən aşağı səviyyədədir.
S.Ryabkovun sözlərinə görə, “soyuq müharibə” dövründə qarşı duran tərəflər bir-birinin addımlarını, münasibətlərin necə inkişaf edəcəyini proqnozlaşdıra bilirdi, indi isə qarşılıqlı addımları proqnozlaşdırmaq mümkün deyil.
Rusiyalı diplomat bildirib ki, münasibətləri yaxşılaşdırmaq üçün etimadın möhkəmləndirilməsi ilə bağlı addımlar, məsələn, qarşılıqlı olaraq diplomatların ölkədən çıxarılmasının dayandırılması kömək edə bilər.
