Soydaşlarımız Fransada Ermənistanın təxribatları ilə bağlı şüarlar yayıb
Diasporla İş üzrə Dövlət Komitəsindən APA-ya bildirilib ki, xaricdə yaşayan azərbaycanlılar tərəfindən dəyirmi masaların keçirilməsi, bəyanatların ünvanlanması, məktub kampaniyası, mətbuat konfransı və s. üsullarla həqiqətlər beynəlxalq ictimaiyyətə təqdim edilir və dünyaya ermənistanın işğalçılıq siyasətinin dayandırılmasına təsir etməklə bağlı çağırışlar edilir.
Növbəti belə bir aksiya Fransanın Tuluz və Montoban şəhərlərində keçirilib. Bu dəfə soydaşlarımız şəhərin küçələrinə, dayanacaqlara və ümumilikdə insanların daha çox olduğu yerlərə fransız dilində “Azərbaycan ədalət tələb edir!” və “Ermənistanın təcavüzünü dayandırın” kimi şüarlar yapışdırıblar.
