“Mərkəzi Asiyanı qarışıqlıqlara sürükləmək doğru deyil” - Baxçalı
Mərkəzi Asiya və Qafqazı daxili münaqişə və qarışıqlıqlara sürükləmək doğru deyil.
APA-nın yerli bürosunun xəbərinə görə, bunu Türkiyənin Milliyətçi Hərəkat Partiyasının (MHP) sədri Dövlət Baxçalı partiyasının iclasında bildirib.
Rusiya-Ukrayna gərginliyini də şərh edən Baxçalı qeyd edib ki, Türkiyə sözünə əhəmiyyət verilən güclü bir dövlətdir: “Rusiya ilə Ukrayna arasında münasibətlərin normallaşmasına üçüncü tərəf ölkə nail ola bilər. Bu ölkə şübhəsiz Türkiyədir. Prezidentimizin təşəbbüsləri ölkəmizin vasitəçilik rolunu gücləndirir. MHP olaraq bu prosesin arxasındayıq və Rusiya ilə Ukrayna arasındakı gərginliyin konsensusla həll olunmasını istəyirik”.
