“Putinin bir yolu qalıb – Nüvə silahından istifadə etmək…”
Yeniavaz.com xəbər verir ki, bu sözləri Gürcüstanın sabiq Prezidenti Mixail Saakaşvili sosial şəbəkə hesabında yazıb.
“Eyni zamanda, İspaniya artıq ukraynalı ekipajların təliminə başlayıb. Bu, çox böyük bir addımdır. Putin öz səhvləri ilə bizə çox kömək etdi. Rusiyadakı səfərbərliklə bağlı isə mənim proqnozum odur ki, nəzərdə tutulan 300 mindən, hətta 30 mini çətinliklə toplanacaq. Sursat sistemi tamamilə məhv edilib və Rusiya üçün, ən yaxşı halda, onlar yalnız ilin sonunda, hər şey həll olunanda cəbhədə olacaqlar. Bu, 1941-ci ildən bəri ilk ümumi səfərbərlikdir. Putinin yalnız bir yolu qalıb – NATO-nun müdaxiləsinə səbəb olacaq taktiki nüvə silahından istifadə etmək. Sonra o, qoşunları çıxaracaq və ruslara deyəcək ki, bütün diqqətini Rusiya ərazisini NATO-dan müdafiə etməyə cəmləyəcək və tam hərbi süquta haqq qazandıracaq”, – deyə o bildirib.
