Nazirlik rejissorla kinoteatr arasındakı qalmaqala münasibət bildirib
Məsələ ilə əlaqədar Mədəniyyət Nazirliyindən bildirilib ki, Nizami Kino Mərkəzi təsərrüfat hesablı müəssisədir.
“Nazirliklə Mərkəz arasında hər hansı maliyyə öhdəliyi və asılılığı yoxdur. Mərkəz öz fəaliyyəti ilə bağlı müstəqil qərarlar verir. Mövcud qanunvericiliyə əsasən, təsərrüfat hesablı müəssisələrin saxlanılması dövlət büdcəsi hesabına həyata keçirilmir. Təsərrüfat hesablı müəssisələr bir qayda olaraq öz xərclərini, məhsul, mal satışı və ya xidmətlərdən əldə etdikləri pul vəsaiti ilə ödəyir və mənfəət əldə edirlər”, - sorğuda qeyd edilib./APA
