"Yasak elma"nın ulduzu dələduzluqda ittiham olunur
Musavat.com Türkiyə mətbuatına istinadən xəbər verir ki, iddialara görə, Mengiroğlu əvvəlcə müxtəlif banklardan 5 milyon lirə kredit götürüb.
Bununla kifayətlənməyən aktyor kredit kartından da 1,5 milyon lirə xərcləyib. O, daha sonra "sərmayə qoyacağını" iddia edərək bazardan təxminən 10 milyon lirə borc alıb.
İddialara görə, kreditorlar o vaxtdan məşhur aktyorla əlaqə saxlaya bilmirlər. Mengiroğlu qeyd olunan ünvanda yoxdur, telefon xətti də kəsilib, ondan əsər-əlamət qalmayıb.
Kreditorların növbəti əlaqəsi onun həyat yoldaşı Sena Mengiroğlu olub. Onun telefon cavabı isə daha da çaşqınlıq yaradıb:
"Ayrıldıq. Bilmirəm Ceyhun haradadır. Bir daha mənə zəng etmə!"
Bununla belə, cütlük tez-tez Balidən fotoları sosial mediada paylaşır. Hətta iki həftə əvvəl onların birlikdə çəkdirdikləri fotoları paylaşıblar.
