Kardaşyanın bir neçə milyon dollarlıq qızılını apardılar
Lent.az-ın RİA Novosti-yə istinadən xəbərinə görə, Parisdə naməlum, özlərini polis kimi qələmə verən şəxslər Kardaşyanın oteldəki otağına soxulub və onu bir neçə saat silah altında saxlayıblar.
Kardaşyanın təmsilçisinin dediyinə görə, model zərər çəkməyib, lakin çox qorxub. İnsidentin təfərrüatları hələlik bəlli deyil.
"Reuters"in xəbərinə görə, basqınçılar Kardaşyanın bir neçə milyon dollarlıq zinət əşyasını aparıblar. Hücum edən şəxslər 5 nəfər olub. Məsələ ilə bağlı rəsmi açıqlama verilməyib. Kardaşyanın yanında ilə üzvlərindən kiminsə olması barədə açıqlama verilmir.
Bəzi məlumatlara görə, Kardaşyan Parisə moda həftəsində iştirak etmək üçün anası və bacısı ilə birgə gəlib. Porno ulduzun tanınmış repçi olan əri Kayn Vest həmin vaxt Nyu-Yorkda konsertdə olub. Basqın barədə elə səhnədə məlumat alan repçi təcili səhnəni tərk edib.
