"Bozbash pictures"in daha bir aktyoru EVLƏNİR - FOTOLAR
"Bozbash pictures"in aktyoru Azər Baxşəliyevin nişanlanması ilə bağlı mediada xəbər yayılmışdı. Gundeminfo.az axşam.az-a istinadən bildirir ki, aktyor tanınmış rəssamla ailə qurmağa hazırlaşır. Nigar Seyidova adlı xanım bir çoxlarına əsərləri ilə tanışdır. Onun hətta sərgiləri də keçirilib. Onlardan biri də "Natavan" rəsm qalereyasında baş tutan "Şəhər eskizləri" adlı sərgi olub.
N.Seyidova Azərbaycan Dövlət Rəssamlıq Akademiyasının məzunudur. O, həmçinin bizneslə də məşğuldur. Belə ki, rəssam əl işlərinin əks olunduğu telefon qablarının satışı ilə məşğul olur. Qeyd edək ki, cütlüyün nişanı yanvarda olmuşdu. Azər və Nigarın bu ilin yazında nikah masasına oturacaqları yazılmışdı. A.Baxşəliyev "Bozbash pictures"dəki Ağsaqqal obrazı ilə tanınır.
