Çingiz Əhmədov oğlunun aktrisa ilə nişanlanmasından danışdı: “Arxalarında dayanmışam“
Əməkdar artist Çingiz Əhmədov oğlunun tanınmış aktrisa ilə nişanlanmasından danışıb.
Yenisabah.az xəbər verir ki, "Günün sədası" proqramının qonağı olan aktyor oğlunun aktrisa Aydan Axundzadə ilə nişanlandığını bildirib:
"İbrahimin öz seçimidir. Biz də razılaşdıq. Çünki İbrahimin tərbiyəsi aşıb-daşır, ciddi, başqa övladdır. Artıq zarafat sevməz. Mənə yox, anasına oxşayıb. Pandemiya bitsin, toy edəcəyik. İndi biz də qaydalara riayət edirik. Böyük nişan olmayıb. İki ailə arasında bir söhbət oldu. "Həri" üçün getdik. Onlara bir ata kimi xoşbəxtlik arzulayıram. Onların arxasında dayanmışam. Aydanın da gözəl ailəsi var. Gecə saat 2-3-də ayılıram ki, telefonla danışırlar".
