Azərbaycanlı müğənni Türkiyədə taksi sürücüsünün hücumuna məruz qaldı – FOTO FOTO
Azərbaycanlı müğənni Nərgiz Bağıyeva İstanbulda taksi sürücüsünün hücumuna məruz qalıb.
Manset.az-ın xarici mediaya istinadən məlumatına görə, ötən gün axşam saatlarında baş verən hadisədə azərbaycanlı müğənni Nərgiz Bağıyeva öz maşını ilə evə gedərkən onun maşınını sağdan keçmək istəyən taksi vurub.
Bağıyeva heç nə olmamış kimi yoluna davam etməyə çalışsa da, taksi sürücüsü siqnal verərərək onun dayanmasını istəyib. Maşınından düşən taksi sürücüsü əvvəlcə müğənnini təhqir edib, daha sonra hücuma keçib.
Taksi sürücüsü müğənninin burnunu sındırıb və başını dəmir baryerlərə çırpıb. Hücumdan sonra dodağı partlayan, mobil telefonu sındırılan Nərgiz Bağıyeva polisə gedərək şikayət ərizəsi yazıb.
Polis hadisə ilə bağlı araşdırmalara başlayıb.
