Şahbaz Şərif gələn həftə Azərbaycan, Türkiyə və İrana səfər edəcək
Yeniavaz.com xəbər verir ki, bu barədə “Dailytimes” məlumat yayıb.
Bildirilib ki, səfər Hindistanla Pakistan arasında artan gərginlik fonunda ölkələr arasında diplomatik əlaqələri gücləndirmək, təşəkkürünü bildirmək və dəstək qazanmaq məqsədi daşıyır.
Qeyd edilib ki, baş nazir, Hindistanla davam edən qarşıdurma zamanı göstərdikləri dəstəyə görə minnətdarlığını bildirmək üçün bu ölkələrin yüksək səviyyəli liderləri ilə görüşəcək.
Xatırladaq ki, mayın 7-nə keçən gecə Hindistan Silahlı Qüvvələri Pakistan və Pakistanın nəzarətində olan Kəşmirdə terrorçularla əlaqəli doqquz hədəfi vuraraq “Sindur” əməliyyatına başlayıb. Pakistan cavab zərbəsi endirib. Mayın 10-da tərəflər atəşkəs barədə razılığa gəlib və sərhəddə qoşunların sayının azaldılması imkanlarını nəzərdən keçiriblər.
