"Euronews" ifşa etdi: İran və Rusiya dəniz sanksiyalarını gizli yollarla yarır
Musavat.com xəbər verir ki, nüfuzlu britaniyalı analitik mərkəz "Royal United Services Institute" (RUSI) yeni hesabatında Rusiya, İran və Şimali Koreyanın beynəlxalq dəniz məhdudiyyətlərini gizli üsullarla aşdığını açıqlayıb.
Araşdırmada qeyd olunur ki, bu ölkələr getdikcə daha mürəkkəb və aldadıcı metodlardan istifadə edir. Əgər gəmi qeydiyyatı sistemində struktur islahatlar aparılmasa, mövcud sanksiyaların təsiri ciddi şəkildə zəifləyə bilər.
Hesabatda əsas taktikalar belə sadalanır:
gəmi sahiblərinin gizlədilməsi;
AIS – avtomatik identifikasiya sistemlərinin söndürülməsi;
zəif nəzarət olunan ölkələrdə gəmi qeydiyyatı;
saxta bayraqlardan istifadə.
